संखुवासभा । राष्ट्रिय बाल दिवस २०८१ को आयोजनामा भएको डिजिटल स्पीच नेपाल सिजन–२ को उपाधि संखुवासभाका सौजन कट्टेलले जितेका छन् ।
नागरिक चासो मल्टिमिडियाले आयोजना गरेको अनलाइन वक्तृत्वकलामा कट्टेल प्रथम भएका हुन् । त्यस्तै कपिलबस्तुकी एञ्जल बेलबासे दोस्रो, गुल्मीकी कृतिका जिसी तेस्रो र मोरङकी सञ्जु लिम्बू सान्त्वना भईन् । माध्यमिक तहसम्मका विद्यार्थीहरु सहभागी भएको सो प्रतियोगितामा देशभरका विभिन्न जिल्लाका ४९ जनाले सहभागिता जनाएका थिए ।
पब्लिक पोलबाट ५० प्रतिशत र निर्णायकबाट ५० प्रतिशत भएको मुल्याङकनबाट उक्त नतिजा प्रकाशित गरिएको आयोजकले जनाएको छ । प्रथमलाई नगद १५ हजार रुपैंया, द्वितियलाई १० हजार, तृतीयलाई ५ हजार र सान्त्वनालाई २ हजार रुपैंया प्राप्त गरेका हुन् ।
निर्णायक मण्डलमा नेपाली कांग्रेसका पूर्वजिल्ला सभापति तथा गितकार दिपनकुमार श्रेष्ठ, पत्रकार अनिश विष्ट र मावि शिक्षक भरत कुलुङ रहेका थिए ।
नेपाल विद्यार्थी संघ संखुवासभा, अनेरास्ववियु संखुवासभा र किवानिस क्लब अफ खाँदबारीको समन्वयमा भएको कार्यक्रमको मुख्य प्रायोजन नमस्कार ईलेक्ट्रोनिक्स पसल खाँदबारीले गरेको थियो । बज्राचार्य सप्लायर्स, कृष्ण होमियो फार्मेसी तथा प्राकृतिक थेरापी सेन्टर, बज्राचार्य ईलेक्ट्रोन्किस्,अस्मी प्रिन्ट र सवाफो ट्रेड एण्ड सप्लायर्सले प्रायोजन गरेको कार्यक्रमको मिडिया पार्टनरको रुपमा नागरिक चासो डटकम, संखुवासभा एक्सप्रेस साप्ताकिह र शिक्षा पेज रहेको थियो । नागरिक चासाले गत बर्षबाट निरन्तर रुपमा सो प्रतियोगिताको आयोजना गर्दै आएको छ ।
