संखुवासभा । १८ औं गोधुली कपको उपाधी अलस्टार क्लब धरानले हात पारेको छ । उदघाटन समारोहमा प्रमुख अथिती कोशी फुटबल संघका अध्यक्ष किशोर राईको उपस्थितिमा उदघाटन भएको थियो । साथै बिशिस्ट अथितीमा पुर्वराष्ट्रिय खेलाडी सागर घिमिरे र बिकास श्रेष्ठको उपस्थिति रहेको थियो ।
२०८१ सालको १८ औं गोधुली कप प्रतियोगितामा जम्मा ८ टिमको सहभागीता रहेको थियो । उक्त फाइनल खेलमा अलस्टार फुटबल क्लब धरानले शान्ति युवा क्लब धर्मदेवी १ लाई ४ को विरुद्ध ५ गोल गर्दै बिजेता बनेको हो ।
उक्त खेलमा बिजेता टिमले नगद १ लाख, ट्रफी, मेडल र प्रमाणपत्र हात पारेको थियो भने उपबिजेताले नगद ५० हजार, ट्रफी एवं प्रमाणपत्रमा चित्त बुझाएका थिए ।
ब्यक्तिगत विधा तर्फ उत्कृष्ट गोलरक्षक अलस्टार धरानका सनम राई, सर्वाधिक गोलकर्ता शान्ती युवाका संजय धिमाल, सर्वउत्कृष्ट डिफेन्डर अल स्टार धरानका नगेन राई, सर्वउत्कृष्ट खेलाडी अल स्टारकाकृष्ण राई भएका थिए । उनीहरुले प्रत्येक विधानुसार २००० नगद, ट्रफी, मेडल र प्रमाणपत्र हात पारेका थिए ।
प्रतियोगिता देखि धर्मदेवी नगरपालिका वडा नम्बर २ तामाफोक रहेको खेलमैदानमा संचालन भएको थियो । फुटबल प्रतियोगिता सम्पन्न भएसङ्गै शनिवार साँझ राष्टिीय लोकगायिका सुनिता थेगिमको प्रस्तुतिमा सांस्कृतिक कार्यक्रम भएको मिर्मिरे युवा क्लबका अध्यक्ष प्रेम जिमिले बताए ।
