संखुवासभा । जिल्लाको पाँचखपन नगरपालिका वडा नं. २ ले वडाबासी कृषकहरुलाई तोरीको बिउ वितरण गरेको छ ।
वडाका करिब चार सय १६ कृषक परिवारलाई तोरीको बिउ वितरण गरिएको वडाअध्यक्ष ओमबहादुर श्रेष्ठले बताए ।
आज शुक्रबार टाइगरचोकमा १८ ओटा टोल विकास संस्था मार्फत कृषकलाई उन्नत जातको तोरीको बिउ वितरण गरिएको हो । प्रति परिवार करिब एक केजीको दरले बिउ वितरण गरिएको वडाअध्यक्ष श्रेष्ठले बताए ।
वडाबासीलाई खाने तेलमा आत्मनिर्भर बनाउनका लागि कृषकलाई निःशुल्क विउ वितरण गरिएको वडाध्यक्ष श्रेष्ठले बताए ।
