संखुवासभा । जिल्लाको खाँदबारी नगरपालिका—४ सेकाहा स्थित माझगाउँ देखि भाङखर्क जाने ढाडो बाटोमा सिढी निर्माण गरिएको छ ।
खाँदबारी नगरपालिकाको २ लाख रुपैया बजेट बिनियोजनमा सिढी निर्माण गरिएको उपभोक्ता समितिका अध्यक्ष नन्दबहादुर गुरुङले बताए । उनले माझगाउँ देखि भाङखर्क जाने ढाडो बाटोमा सिढी बनाइएको हो । उकालो बाटो त्यसमा माथि साँघुरो र अप्ठयरो बाटो हुदाँ आवातजावात गर्न समस्या भएपछि स्थानीयहरुले सिढी निर्माण गर्नुपर्ने माग गर्दै आएका थिए । खाँदबारी नगरपालिकाका मेयर महेश थपलिया लगायतको टोली यसअघि नै सो बाटोको स्थलगत अवलोकन गरि अहिले बजेट बिनियोजन गरि निर्माण सम्पन्न भएको हो ।
मेयर थपलियाले बाटो अप्यठरो भएकाले बजेट बिनियोजन गरिएको बताए । उनले स्थानीयलाई सेवा पुग्ने गरि विकास र समृद्धिको लागि नगरले काम गरिरहेको बताए ।
उक्त बाटोमा सिढी निर्माणका लागत स्टामिट अनुसार १ सय ५ वटा मात्रै सिढी बनाउनुपर्ने भएपनि उपभोक्ताहरुले १ सय ४३ वटा सिढी निर्माण गरिएको उपभोक्ता समितिका अध्यक्ष गुरुङले बताए । उनले बाटो साँघुरो हुदाँ आवातजावात गर्न समस्या थियो, सिढी निर्माण भएपछि सहज भएको बताए ।
उक्त सिढी निर्माण योजनाको एक कार्यक्रम बीच खाँदबारी ४ नम्बरका वडाध्यक्ष विनोदसुब्बा गुरुङको प्रमुख आतिथ्यतामा सार्वजनिक सुनुवाई समेत गरिएको छ । योजनाको सम्पूर्ण खर्चहरु समेत स्थानीयहरु सबैलाई सार्वजनिक गरिएको थियो ।
उक्त बाटोमा सिढी निर्माण गर्नका लागि अघिल्लो आर्थिक बर्षमा खाँदबारी–४ नम्बर वडा कार्यालयबाट ३ लाख रुपैया बजेट बिनियोजन भएको थियो । सो बजेटले आधा भागको बाटोमा अघिल्लो बर्ष नै सिढी निर्माण भईसकेको छ ।
