संखुवासभा । जिल्ला प्रहरी कार्यालय संखुवासभामा अब देखी प्रहरीमा क्यूआरकोड मार्फत गुनासो राख्न सकिने भएको छ ।
जिल्ला प्रहरी कार्यालय संखुवासभाले गुनासो व्यवस्थापनको लागि ‘क्यूआरकोड’ सार्वजनिक गरेको छ । कोशी प्रदेश प्रहरीको क्यूआरकोडको प्रयोग सम्बन्धी कार्यविधि–२०८० अनुसार संखुवासभामा पनि नागरिकको गूनासो सुन्न र व्यवस्थापन गर्न क्यूआरकोड सार्वजनिक गरिएको जिल्ला प्रहरी कार्यालय संखुवासभाका प्रहरी नायब उपरिक्षक घनश्याम श्रेष्ठले बताए ।
आम सेवाग्राहीहरुको हितलाई मध्यनजर गरी प्रहरीले प्रदान गर्ने सेवामा कुनै गुनासो, पीरमर्का, कैफियत भएमा सिधै क्यूआरकोड प्रयोग गरेर गुनासो तथा सुझाव राख्न प्रहरी नायब उपरिक्षक श्रेष्ठले आग्रह गरेका छन् ।
उक्त क्यूआरकोडको प्रयोग गर्न आम सेवाग्राहीहरुलाई जिल्ला प्रहरी कार्यालय संखुवासभाले अनुरोध समेत गरेका छन् ।
