संखुवासभा । जिल्लाका खाँदबारी नगरपालिका–७ स्थित तीनपोखरीमा रहेको मंगलादेवी माध्यमिक विद्यालयमा अध्ययरत विद्यार्थीहरुलाई विद्यालय पोशाक (ट्रयाकसुट र टिसर्ट) वितरण गरिएको छ ।
बुधबार एक कार्यक्रम बीच खाँदबारी नगरपालिकाका मेयर महेश थपलिया, खाँदबारी ७ नम्बरका वडाध्यक्ष देवबहादुर पुवाँर मगर, विद्यालय ब्यबस्थापन समितिका अध्यक्ष तुलाराम मगर लगायतका अतिथीहरुबाट विद्यालय पोशाक वितरण गरिएको थियो । विद्यालय पोशाक वितरण गर्दै मेयर थपलियाले निकै राम्रो र सकारात्मक काम विद्यालय परिवारबाट भएको भन्दै प्रसंसा गरे । उनले सबै विद्यालयहरुले यस्तै रचनात्मक र उदाहरणीय काम गर्नुपर्नेमा जोड दिए ।
केही महिनाअघि देखि विद्यालय पोशाक खरिदका लागि अभियान नै संचालन गरेको विद्यालय ब्यवस्थापन समितिका अध्यक्ष तुलाराम मगरले बताए । उनले सोही अभियान अन्तर्गत ५ लाख ९४ हजार दुई सय ८० रुपैयाँ संकलन गरिएको र सोही रकमबाट पोशाक खरिद गरि विद्यालयमा अध्ययनरत कक्षा १ देखि कक्षा १० सम्मका ३ सय ८५ जना विद्यार्थीलाई निःशुल्क रुपमा विद्यालय पोशाक (ट्रयाकसुट र टिसर्ट) वितरण गरिएको विद्यालय ब्यवस्थापन समितिका अध्यक्ष मगरले बताए ।
विद्यालयको चौतर्फी विकासका लागि समिति र शिक्षकहरु लागि रहेको मंगलादेवी माध्यमिक विद्यालयका प्रधानाध्यापक योगन्द्रकुमार श्रेष्ठले बताए । उनले विद्यालयका सबै विद्यार्थीलाई विद्यालय पोशाक (ट्रयाकसुट र टिसर्ट) वितरण गर्न इच्छा भएपनि बजेट अभावमा अभियान संचालन गरि संकलन गरिएको बताए ।
मंगलादेखि माध्यमिक विद्यालयले सामाजिक संजाल मार्फत अभियान संचालन गरेको थियो । विभिन्न दाता मार्फत संकलन भएको र सो कार्यक्रम ५ हजार रुपैया भन्दा माथि सहयोग गर्ने ४४ जना दाताहरुलाई सम्मानपत्रद्धारा सम्मानित समेत गरिएको विद्यालयले जनाएको छ ।
विद्यालयमा अध्ययनर अनाथ, असहाय तथा जेहेन्दार विद्यार्थीलाई निःशुल्क पोशाक तथा शैक्षिक सामग्री वितरण कार्यक्रमले राहत पु¥याएको विद्यालयको भनाइ छ ।
कार्यक्रममा नेपाली काँग्रेसका नेता तथा समाजसेवी शेरबहादुर बन, जिल्ला शिक्षा समन्वय इकाईका पूर्वप्रमुख केशव भट्टराई, खाँदबारी ७ का वडासदस्य झलक कुसुले, स्थानीय अभिभावक, शिक्षक र विद्यार्थीहरुको उपस्थिती रहेको थियो ।
