संखुवासभा । पत्रकार महासंघ र जिल्ला भलिबल संघ बीचको पछिल्लो विवाद बारे पत्रकार महासंघ र पत्रकार सम्बद्ध संघसंस्थाहरूले विज्ञप्ति जारी गरेको छ ।
हालै सम्पन्न राष्ट्रिय भलिबल प्रतियोगिताको समाचार स्थानीय पत्रपत्रिकाले प्रकाशन नगरेको भन्दै भलिबल संघका अध्यक्ष मेदिनी घिमिरेले फेसबुकमा लेखेपछि विवाद सुरू भएको हो ।
उक्त पोष्ट पछि जिल्लाका पत्रकारहरूले समाचार लेखनमा कुनै कञ्जुस्याई नगरेको भन्दै असन्तुष्टि ब्यक्त गर्दै आएका थिए । पछि अध्यक्ष घिमिरेले पोष्ट सम्पादन गर्दै स्थानीय पत्रिका पाख्रिबास साप्ताहिकले समाचार प्रकाशन नगरेको बताएका थिए ।
यसपछि जिल्ला भलिबल संघले आयोजना गरेको आयब्याय सार्बजनिक गर्ने कार्यक्रम स्थलमा नजाने बरू पत्रकार महासंघको कार्यालयमा नै कार्यक्रम गरेर सार्वजनिक गर्न भनेको थियो । महासंघ र भलिबल संघ दुवैले भनेको ठाउँमा नगएपछि फेसबुकबाट नै विवरण सार्बजनिक गरिएको थियो । विवरणसँगै भलिबल संघले विवादको बिषयमा विज्ञप्ति जारी गरेको थियो ।
महासंघ र पत्रकार सम्बद्ध संस्थाहरूले भलिवल संघले आयोजना गरेको कार्यक्रम बहिष्कार गर्ने निर्णय गरेको हो ।
