संखुवासभा । प्राकृतिक स्रोत द्धन्द्ध रुपान्तरण केन्द्र संखुवासभाको बैठक सम्पन्न भएको छ ।
सोमबार सदरमुकाम खाँदबारीस्थित जिल्ला समन्वय समितिको सभाहलमा बैठक सम्पन्न भएको हो । ‘दिगो शान्तिका लागि उन्नत सम्बन्ध’ भन्ने नारासहित प्राकृतिक स्रोत द्धन्द्ध रुपान्तरण कार्यक्रमको आठौं चरण समृद्धिका लागि शान्ति जिल्ला समन्वय/सल्लाहकार समितिको बैठक सम्पन्न भएको हो ।
जिल्ला समन्वय समिति संखुवासभाका प्रमुख सुमन शाक्यको अध्यक्षतामा कार्यक्रमको आठौं चरणको बैठक सम्पन्न भएको हो । उक्त बैठकमा संखुवासभाका १० वटै स्थानीय तहका उपप्रमुख तथा उपाध्यक्षहरु, प्रमुख जिल्ला अधिकारी सिर्जना थपलिया सहित सुरक्षा निकायका प्रमुखहरु, डिभिजन वन कार्यालय, नापी कार्यालय, मालपोत कार्यालय, सामुदायिक बनका प्रतिनिधी र संचारकर्मीहरुको सहभागीता रहेको कार्यक्रमका सहजकर्ता विष्णु कार्कीले जानकारी दिए ।
उक्त कार्यक्रममा संस्थाले जिल्लामा गरिरहेको गतिबिधिका बारेमा सरोकारवाला बिच गहन छलफल तथा सुझाव संकलन कार्य गरेको थियो । प्राकृतिक स्रोत माथि भइरहेको समस्या र समाधानका बारेमा छलफल गरिएको थियो । स्थानीय तहमा प्राकृतिक स्रोत माथि हुने काम, गतिविधी र प्राकृतिक स्रोतको अवस्था, संस्थाको सहयोग लगायतको बारेमा उपप्रमुख तथा उपाध्यक्षहरु आआफ्नो धारणाहरु राखेका थिए ।
कोशी प्रदेश अध्यक्ष राजन राईले जल, जमिन, जंगल लगायतका प्राकृतिक श्रोत साधनको सहि प्रयोग र कानुनत उपभोग र संरक्षणका लागि प्रकृतिक स्रोत द्वन्द रुपान्तरण केन्द्र नेपालले काम गरिरहेको बताएका थिए ।
प्राकृतिक स्रोत द्धन्द्ध रुपान्तरण केन्द्रले जलजमिन, जंगल र प्राकृतिक स्रोतका बारेमा काम गर्दै आएको छ । प्राकृतिक स्रोत माथि हुने दोहन र विवाद लगायतको विषयमा काम गर्दै आएको केन्द्रले जनाएको छ। जिल्लामा प्राकृतिक स्रोत माथि विवाद हुदाँ केन्द्रले सहजीकरण र मेलमिलाप गराउर्दै आएको छ ।
