संखुवासभा । नेकपा एमालेको भातृसंगठन राष्ट्रिय युवा संघ नेपाल संखुवासभाको नवौ अधिबेशन सम्पन्न भएको छ ।
बिहिबार सदरमुकाम खाँदबारीमा युवा संघको नवौं जिल्ला अधिबेसन सम्पन्न भएको हो । युवा संघका संखुवासभा जिल्ला अध्यक्ष ध्रुब खड्का (डीवान)को अध्यक्षतामा भएको कार्यक्रममा प्रमुख अतिथी युवा संघका केन्द्रीय अध्यक्ष क्षितिज थेबे रहेका थिए । भने विशिष्ट अतिथी नेकपा एमालेका युवा नेता तथा पूर्वमन्त्री महेश बस्नेत र नेकपा एमालेका प्रचार विभाग प्रमुख राजेन्द्र गौतम रहेका थिए ।
त्यसैगरि कार्यक्रममा युवा संघका कोशी प्रदेश अध्यक्ष अरुण गुरुङ समेत उपस्थिती रहेको थियो । कार्यक्रममा नेकपा एमालेका थुप्रै नेताहरुको उपस्थिती रहेको थियो ।
आइतबार युवा संघले तुम्लिङटारदेखि खाँदबारीसम्म बाईक -याली तथा बजार परिक्रममा गर्दै कार्यक्रम स्थल खाँदबारी नगरपालिकाको सभाहलमा पुगेका थिए । उद्घाटन सत्रपछि बन्दसत्र शुरु भएपनि अध्यक्ष पदमा हिलजोन्सोन राई र नवराज कटुवाल बीच सहमति नहुदाँ निर्वाचन गर्नुपर्ने निष्कर्षमा पुगेको युवा संघले जनाएको छ ।
अन्य पदमा सहमति भएपनि अध्यक्षको लागि आज (शुक्रबार) दिउँसो ११ बजे देखि निर्वाचन शुरु हुने जनाएको छ ।
मिलेर मिलाएर जानुनै उपयुक्त हुने छ