- मोहनकुमार राई
संखुवासभा (चैनपुर) । संखुवासभा जिल्ला चैनपुर नगरपालिका वडा नं. २ वस्ने वर्ष ४५ को तुपुवाली काइलो भन्ने धनबहादुर लिम्बु पक्राउ परेको छ ।
जवरजस्ती करणी गरी घटना पश्चात फरार रहेका लिम्बु बुधबार सोही स्थानको सार्वजनिक बाटोबाट ईलाका प्रहरी कार्यालय चैनपुरबाट खटिएको प्रहरी टोलीद्वारा पक्राउ गरिएको छ । निज धनबहादुर लिम्बुले गत मंसिर २२ गते चैनपुर न.पा. वतन भएकी अशक्त महिला लाई जवरजस्ती करणी गरी घटना पश्चात फरार भएका थिए ।
निज प्रतिवादी लिम्बुलाई पौष २६ गते सम्मानित संखुवासभा जिल्ला अदालत चैनपुर उपस्थित गराई मुलुकी फौजदारी अपराध संहिता २०७४ बमोजिम जबरजस्ती करणी मुद्दामा म्याद थप भई ईलाका प्रहरी कार्यालय चैनपुर संखुवासभाबाट थप अनुसन्धान भईरहेको जिल्ला प्रहरी कार्यालय संखुवासभाका मिडिया समन्वय अधिकृत प्रहरी निरीक्षक रामकुमार लामिछानेले जानकारी दिए ।
