उनका अनुसार शनिबार साँझ करिब साढे ६ बजेको समयमा चैनपुरबाट खराङतर्फ जाँदै गरेको प्रदेश १–०२–००१ ख ८२४९ नम्बरको टिपरले सोही दिशाबाट जाँदै गरेको को.१५प ९८३१ नम्बरको मोटरसाईकललाई पछाडिबाट ठक्कर दिँदा मोटरसाइल चालक श्रेष्ठ गम्भीर घाइते भएका थिए । घाइते श्रेष्ठलाई तत्कालै चैनपुर स्थित प्राथमिक स्वास्थ्य केन्द्र ल्याई चेकजाँच गर्दा चिकित्सकले साँझ ७ बजे मृत घोषणा गरेको डिएसपी श्रेष्ठले बताए । 

मृतक श्रेष्ठ चैनपुर नगरपालिकाको कर्मचारी रहेको खुलेको छ । मृतक श्रेष्ठको शव प्राथमिक स्वास्थ्य केन्द्र चैनपुरमा नै राखिएको छ । इलाका प्रहरी कार्यालय चैनपुरबाट खटिएको प्रहरी टोलीले टिपर चालक चैनपुर–१० खराङ बस्ने ३३ बर्षीय कमानसिंह तामाङलाई नियन्त्रणमा लिएको छ । घटनास्थल चैनपुरबाट करिब ४ किलोमिटरको दुरीमा पर्दछ ।