संखुवासभा । खाँदबारी नगरपालिका भित्र यसबर्ष १३ वटा जनता आवास कार्यक्रम अन्तर्गत भवन निर्माण हुने भएको छ ।
बुधबार खाँदबारी नगरपालिकाको कार्यालय नगरभित्रका १३ जना ब्यक्तिसँग जनता आवास कार्यक्रम अन्तर्गत भवन निर्माणका लागि संम्झौता गरिएको हो । नगरभित्रका दलित र विपन्न समुदायलाई जनता आवास कार्यक्रम अन्तर्गत भवन निर्माणका लागि सहयोग गर्दै आएको छ ।
खाँदबारी नगरपालिकाभित्रका वडा नं. १ र ४ वाहेकका नौ वटा वडाका लाभग्राही ब्यक्तिसँग भवन निर्माणका लागि योजना संम्झौता गरिएको मेयर महेश थपलियाका स्वकीय सचिव गोकुल खनालले बताए । उनको अनुसार, विभिन्न चरणको छनौट र वडाको सिफारिस अनुसार पालिकाले हेरेर लाभग्राही छनौट गरिएको हो । लाभग्राहीहरुले भवन निर्माणका लागि ३ लाख ५० हजार रुपैया प्राप्त गर्दछन् ।
