काठमाडौं- पछिल्लो समय चर्चामा आएको प्रदर्शनरत ‘घरज्वाइँ’ फिल्मले दुई सातामा ४ करोड ६३ लाख ग्रसकलेक्सन गरेको छ । निर्माण युनिटले एक पोष्टरमा सार्वजनिक गर्दै फिल्मको दुई साताको बक्स अफिस कलेक्सन सार्वजनिक गरेको हो ।
रिलिज भएको दुई दिनमा १ करोड ५१ लख ग्रसकलेक्सन गरेको फिल्मले पछिल्लो १२ दिनमा ३ करोड १२ लाख ग्रस कलेक्सन गरेको निर्माता जनकघर्ती मगरले बताए । उनले फिल्मले लगानी उठाएको जानकारी समेत दिए । जिएम मूभिज र एबीएम सिनेमा प्रोडक्सनको ब्यानरमा निर्माण भएको फिल्म पूर्वी रुकुम आसपासमा छायाङ्कन गरिएको हो ।
फिल्ममा दयाहाङ राई, मिरुना मगर, बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, बिना थापामगर, सोनाम लामा, बिबेश बुढामगर, सुनिल मगरले अभिनय गरेका छन् । यो फिल्म गत असार २८ गतेबाट सार्वजनिक प्रदर्शनमा आएको फिल्म हो ।
