संखुवासभा । जिल्लाका खाँदबारी नगरपालिका–४ कोतेगाउँ निवासी कुबेर गुरुङको सपरिवारबाट स्वर्गीय सासुसुराको नाममा कालिका माध्यमिक विद्यालयमा एक लाख १११ रुपैयाको अक्षय कोष स्थापना गरिदिएका छन् ।
विहिबार खाँदबारी नगरपालिका–४ सेकाहामा रहेको कालिका माध्यमिक विद्यालयमा कुबेर गुरुङको स्वर्गीय सासुससुरा र श्रीमती पूर्णीमायाँ गुरुङको आमा मनमायाँ गुरुङ (पूर्णि आमा ढाडगाउँ)को नाममा पूण्यतिथी पारेर विद्यालयमा अक्षय कोषको स्थापना गरेका हुन् । स्थायी घर खाँदबारी–४ कोतेगाउँ भएपनि हाल काठमाडौं बस्दै आएका कुबेर गुरुङको परिवारले विद्यालयमा विपन्न, गरिव र निम्न वर्गका बालबालिकाहरुलाई पठनपाठनमा सहयोग र विद्यालयको शैक्षिक उन्नयनको लागि आफ्नो गाउँको विद्यालय कालिका माविमा नै अक्षय कोष स्थापना गरेको बताउँछन् ।
उक्त अक्षय कोष स्थापना कार्यक्रममा विद्यालय ब्यबस्थापन समितिका सदस्य ज्ञानबहादुर गुरुङ, प्रधानाध्यापक विनोद गुरुङ, दाताहरु, स्थानीय अभिभावक र शिक्षक विद्यार्थीहरुको सहभागीता रहेको थियो । कार्यक्रममा दाताहरुलाई प्रधानाध्यापक विनोद गुरुङले धन्यवाद दिएका थिए । उनले अक्षय कोष स्थापनाले बालबालिकाहरुलाई भविष्य निर्माण केही सहयोग पुग्ने धारणा राखे ।
