संखुवासभा । नेपाली कांग्रेसका सभापति शेरबहादुर देउवाले ३७ वटा विभाग गठन गरेका छन् । सोमबार सभापति देउवाले विधानको धारा ३७ ९१० बमोजिम ३७ वटा विभागका प्रमुखहरु मनोनयन गरेका हुन् ।
केन्द्रीय कार्यालयका मुख्य सचिव कृष्णप्रसाद पौडेलले सभापति देउवाले विधानको व्यवस्थाबमोजिम बिभागीय प्रमुखहरु मनोनयन गरेको जानकारी दिए ।
उनका अनुसार राज्य प्रशासन विभागको प्रमुखमा गोविन्द भट्टराई, स्थानीय तह समन्वय विभागको प्रमुखमा मधु आचार्य, अभिलेख, अनुगमन तथा मूल्यांकन विभागको प्रमुखमा मानबहादुर विश्वकर्मा मनोनीत भएका छन् ।
त्यस्तै, संघीय मामिला समन्वय विभागको प्रमुखमा चन्द्रबहादुर केसी, संसदीय मामिला विभागको प्रमुखमा गोविन्द्रबहादुर शाह र कानून विभागको प्रमुखमा मानबहादुर नेपाली मनोनीत भएका छन् ।
त्यसैगरि संखुवासभाका तारामान गुरूङलाई प्राकृतिक स्रोत विभाग प्रमुखको जिम्मेवारी दिइएको विज्ञप्ती छ । नेपाली कांग्रेसका निर्वाचीत केन्द्रीय सदस्य रहेका गुरुङ संविधानसभा सदस्यका साथै पूर्वस्वास्थ्य राज्यमन्त्री समेत हुन् । संखुवासभा कांग्रेसका चार पटक जिल्ला सभापति बनेका गुरुङ पूराना र अग्रज नेताको रुपमा गनिन्छन् । गुरुङ सरल र विकासवादी नेताको रुपमा आफनो परिचय बनाएका छन् ।
