संखुवासभा। दिवंगत आत्माको चीरशान्तिको कामना गर्दै बिहिबार नेवारी समुदायमा गाईजात्रा निकाल्ने गरिन्छ । राजा प्रताप मल्लको पुत्रशोकमा डुबेको रानीलाई खुशी पार्न यो जात्रा पर्व निकाल्न थालेको इतिहास छ । त्यतिबेला देखि चल्र्दै आएको परम्परा आज पर्यान्त गाईजात्रा र हिलेजात्रा पर्वले निरन्तरता पाइरहेको छ ।
उक्त जात्रा पर्व संखुवासभाका नेवार समुदायहरुले भब्य रुपमा मनाइरहेका छन् । नेवार समुदायको संस्कृतिसँग जोडिएको जात्रापर्व नागपञ्चमी देखि शुरु भई प्रदर्शन भईरहेको छ । बर्सेनि मनाइने जात्रापर्व संखुवासभाको नेवार समुदायको वसोवास रहेको मुख्यबस्तीहरु सदरमुकाम खाँदबारी, चैनपुर, सिभुवा, खराङ, बाह्रविसे, मानेभञ्जाङ्ग, तुम्लिङ्टार लगायतका क्षेत्रहरुमा भब्य रुपमा मनाएका हुन् ।
जिल्लाको खाँदबारी नगरपालिका–१ मा रहेको भिमसेन मन्दिरमा पुजाआजा गरि खाँदबारीका नेवार समुदायले विधिवत रुपमा लाखेजात्रा शुरु गरेका हुन् । नेवार समुदायमा नागपञ्चमीका दिन देखि शुरु हुने जात्रा कृष्णजन्माष्टमीका दिन अन्त्य हुने गर्दछ । यो जात्रा पर्व प्रताप मल्लको पाला देखि शुरु भएको हो ।
