संखुवासभा । खाँदबारी नगरपालिकामा आजदेखि राष्ट्रपति रनिङ शिल्ड प्रतियोगिता शुरु भएको छ । उक्त प्रतियोगिताको आज एक कार्यक्रम बीच खाँदबारी नगरपालिकाका प्रमुख महेश थपलियाले उद्घाटन गरे ।
उक्त प्रतियोगितामा नगरभित्रका १९ वटा माध्यमिक विद्यालयहरुले सहभागीता जनाएका छन् । जसमा १३ वटा सामुदायिक र ६ वटा संस्थागत विद्यालयहरुले सहभागीता जनाएको खाँदबारी नगरपालिका शिक्षा शाखा प्रमुख दीपकमणि घिमिरेले बताए ।
प्रतियोगिता खाँदबारी नगरपालिका–७ स्थित खाँदबारी रंगशालामा प्रतियोगिता संचालन भईरहेको छ । उक्त प्रतियोगितामा भलिवल, कबड्डी, सटफुट, लङजम्प, ज्याभ्लिङ थ्रो, दौड छात्र÷छात्राको लागि प्रतियोगिता संचालन गरिएको जनाएको छ । प्रतियोगिता शनिबार समापन हुनेछ ।
