संखुवासभा । जिल्लाको खाँदबारी नगरपालिका–४ सेकाहा भाङखर्कमा आयोजित खुल्ला भलिबल प्रतियोगिताको उपाधी पाँचखपन नगरपालिकाको सिभुवाले जितेको छ ।
मंगलबार भएको फाइनल खेलमा नेपाल प्रहरीलाई सोझो तीनै सेटमा हराउदै पाँचखपन सिभुवाले जित हासिल गरेको हो । पहिलो सेटमा २७–२५, दोस्रो सेटमा २५–२१ र तेस्रो सेटमा २५–१७ अंक प्राप्त गर्दै सिभुवा विजेता घोषित भए । नेपाल प्रहरीले उपविजेतामै चित्त बुझाए ।
प्रतियोगिताको सेमिफाइलिष्ट सिलीचोङका माङतेवा र सिसुवाखोला टिम भए । एकै पालिकाका दुई टिमले प्रतिस्पर्धा गरेका थिए । गत १४ भदौबाट शुरु भएको प्रतियोगिता बुधबार समापन भएको खेल संयोजक दुशन गुरुङले जानकारी दिए ।
खाँदबारी नगरपालिका—४ सेकाहा भाङखर्क टोल विकास संस्थाले प्रतियोगिताको आयोजना गरेको हो । स्थानीय हरेलो बजारको अवसरमा बर्सेनि भलिबल प्रतियोगिता गर्दै आएको छ । उक्त खुल्ला भलिबल प्रतियोगितामा जिल्लाभरका नाम चलेका १२ टिमको सहभागीता रहेको थियो । प्रतियोगिताका विजेताले नगद २५ हजार, मेडल र प्रमाणपत्र प्राप्त गरे भने उपविजेताले नगद १५ हजार, मेडल र प्रमाणपत्र प्राप्त गरेका थिए । सेमिफाइलिष्ट दुई टिमले नगद ८/८ हजार, मेडल र प्रमाणपत्र प्राप्त गरे ।
विजेता टिमलाई खाँदबारी नगरपालिका ४ नम्बर वडाका कार्यवहाक वडाध्यक्ष पवित्रा गुरुङ र भाङखर्क टोल विकास संस्थाका अध्यक्ष नन्दबहादुर गुरुङले पुरस्कार वितरण गरे । उक्त कार्यक्रममा स्थानीय भाइबैनीहरुले विभिन्न साँगितिक गितसंगीतका साथै नृत्यहरु समेत प्रस्तुत गरेका थिए । कार्यक्रममा खेलप्रेमी र स्थानीयहरुको निकै ठूलो सहभागीता रहेको थियो ।
