संखुवासभा । पूर्वी पहाडी जिल्ला संखुवासभाको खाँदबारी नगरपालिका–३ मानेभञ्ज्याङ्गमा जारी आठौं अरुणभ्याली फुटबल प्रतियोगिताको फाइनलमा पञ्चकन्या र तीनपोखरी पुगेको छ ।
बिहीबार भएको सेफिफाइनल खेलमा मिरमिरे क्लबलाई हराउदै तीनपोखरी क्लब फाइनलमा प्रवेश गरेको हो । निर्धारीत समयमा बराबर खेलका दुवै टिमले टाइब्रेकरमा तीनपोखरीले मिरमिरेलाई हराए ।
त्यसैगरि सेमिफाइनलको दोस्रो खेलमा खाँदबारी युथ क्लब र पञ्चकन्या क्लब बीच भएको थियो । दुवै टिम बीच कडा प्रतिस्पर्धा भएपनि अन्तिम चरणमा पञ्चकन्याले खाँदबारीलाई १ गोल गरे । खाँदबारीले गोल फर्काउन नसकेपछि पञ्चकन्या फाइनलमा प्रवेश गरेको छ । शुक्रबार (आज) उपाधी चुम्नका लागि पञ्चकन्या र तीनपोखरी बीच प्रतिस्पर्धा हुनेछ ।
सोमबार देखि शुरु भएको सो प्रतियोगिता शुक्रबार (आज) समापन हुनेछ । भने प्रतियोगितामा जिल्लाभित्र र बाहिरका १२ टिमको सहभागीता रहेको छ ।
प्रतियोगिताको विजेताले नगद २ लाख, मेडल, ट्रफी र प्रमाणपत्र प्राप्त गर्नेछन् । उपविजेताले १ लाख रुपैयाँ नगद, ट्रफी, मेडल र प्रमाणपत्र प्राप्त गर्नेछन् ।
समापन समारोहमा विभिन्न ख्याती प्राप्त कलाकारहरुद्धारा साँगितीक कार्यक्रमहरु समेत रहेको आयोजक एडभान्स क्लबका अध्यक्ष जिल्लामान राईले बताए । ०६४ सालमा स्थापना भएको यस क्लबले बर्सेनि दशैं र तिहारको बीच प्रतियोगिता निरन्तर रुपमा संचालन गर्दै आएको छ ।
