संखुवासभा । साब्लाबुड पुस्तकालय अभियानका अध्यक्ष तथा उपन्यासकार राजकुमार राईले संखुवासभाको सिलिचोङ गाउँपालिकाको याफूमा रहेको श्री महेश्वरी माविलाई पुस्तक हस्तान्तरण गरेका छन् ।
एक कार्यक्रम बीच विद्यालयका प्रधानाध्यापक टेक सिंह राई र विद्यालय ब्यवस्थापन समिमितका अध्यक्ष बुद्धिमान राईलाई पुस्तकालय स्थापनाका लागि पुस्तक हस्तान्तरण गरेका हुन । राईले १ लाख २७ हजार मूल्य बराबरको १ हजार ९२ प्रति पुस्तक विद्यालयमा हस्तान्तरण गरेको उपन्यासकार राजकुमार राईले बताए । अभियान्ंता राजकुमार राईले पुस्तकालय दोस्रो युनिभर्सिटी भएको बताए ।
‘पुस्तकालय विधार्थीलाई मात्र नभएर शिक्षक कर्मचारी, किसान र ब्यापारी सबैको निम्ति जरुरी छ । योग्य विधार्थी हुन गैरपाठ्यक्रमको पुस्तक पढ्न जरूरी छ । विकासित मुलुकहरूमा अनिबार्य जस्तै छ । हामी कहाँ गैर पाठ्यक्रमको पुस्तक साहित्यकारले मात्र पढ्ने भन्ने गलत संस्कृति छ । विद्यालय क्याम्पस पछि मैले पढिसके भनेर कुनै पुस्तक नपढ्ने शिक्षक कर्मचारी नेता किसान मजÞदूर भएकोले पनि हाम्रो समाजमा अनेक बिसङगति देखिएको हो । असल छोराछोरी बनाउन अभिभावकले पनि पुस्तकहरू पढ्नु पर्छ । आफु युट्यव फसबुक टिकटक हेर्ने छोराछोरीलाई पढ़ भन्दा के छोरा छोरी पढ्छन ?’—राईले भने ।
पुस्तकालय विहिन हाम्रो समाज बौद्धिक शुन्यता भएको देखेर विदेशमा खुन पसिना बेचेको केही रकमले नेपालमा पुस्तकालय अभियान सन्चालन गर्दै आएको राईको भनाइ छ ।
कार्यक्रममा स्वागत मन्तव्य दिदैं प्रअ टेक सिंह राईले पुस्तकालयको निम्ति दैउसी भैली खेलेर पुस्तक किनेको स्मरण गर्दै पुस्तकालयलाई व्यवस्थित गर्ने प्रतिबद्धता ब्यक्त गरे । उक्त कार्यक्रम सन्चालन पिताम्बर गौतमले संन्चालन गरेको थियो ।
