संखुवासभा समाज हङकङको अध्यक्षमा लिला बहादुर गुरुङ चयन भएकाछन् । समाजको १० औ अधिवेशनले आगामी कार्यकालका लागि अध्यक्षमा गुरुङलाई सर्वसम्मत चयन गरेको हो ।
अधिवेशनले उपाध्यक्षमा प्रकाश (जेबी) गुरुङ र श्याम गुरुङ, सचिवमा मणिशेखर गुरुङ, उपसचिवमा लविन गुरुङ, कोषाध्यक्षमा लोकराज याख्या, सहकोषाध्यक्षमा भविना गुरुङलाई चयन गरेको छ । त्यसैगरी सदस्यहरुमा गंगा सुब्बा, कुमारी याख्या, लोकेन्द्र लिम्बु, पदम राई, देवेन्द्र कोरङ्गी र पंचु गुरुङलाई चयन गरेको छ ।
समाजका पूर्वअध्यक्ष दाजु गुरुङको संयोजकत्वमा रहेको निर्वाचन कमिटिले सर्वसम्मत कार्यसमितिको औपचारिक घोषणा गरेको हो ।
नवनिर्वाचित अध्यक्ष गुरुङले आफ्नो कार्यकालमा समाजलाई अझ विस्तारित बनाउदै समाजका गतिविधीहरु डिजिटलाईसेन गर्ने प्रतिबद्धता जनाए । समाजको आफ्नै कार्यालय बनाउने तथा युवा र महिलाहरुका लागि विशेष कार्यक्रम संचालन गर्ने बताउदै जिल्लाका लागि विभिन्न सामाजिक कामहरु गर्ने प्रतिवद्धता जनाए ।
यस्तै नयाँ कार्यसमितिलाई कार्यभार हस्तान्तरण गर्दै निवर्तमान अध्यक्ष टिबी याख्याले झण्डै साढे ५ वर्ष समाजको नेतृत्व गर्ने अवसर दिएकोमा धन्यवाद ज्ञापन गर्दै नवनिर्वाचित कार्यसमितिलाई समाजको मर्म र उद्देश्य अनुसार काम गर्न सुझाव दिए ।
हङकङ नेपाली महासंघकी अध्यक्ष रीता गुरुङको प्रमुख आतिथ्यतामा सम्पन्न अधिवेशनमा प्रमुख अतिथि गुरुङ, काठमाडौ–संखुवासभा जर्नालिष्ट एशोसिएसन (एसकाज) का उपाध्यक्ष उद्धव भट्टराई र संखुवासभा समाज हङकङका पुर्वअध्यक्षहरुले कार्यक्रमलाई सम्बोधन गरेका थिए ।
हङकङमा रहेका नेपाली संस्थाहरुमध्ये पुरानो संस्थाकोरुपमा रहेको संखुवासभा समाज हङकङले अहिलेसम्म सर्वसम्मत नेतृत्व चयन गर्दै आएको र समाजमा उल्लेख्य काम गर्दै आएकाले यो समाज हङकङको नेपाली समुदायमा निकै चर्चामा छ ।
