संखुवासभा । जिल्लाको खाँदबारी नगरपालिका–९ तुम्लिङटारमा रुखले किचेर महिलाको ज्यान गएको छ ।
तुम्लिङटार घर भएकी स्थानीय ६२ वर्षीया दिलकुमारी घिमिरेको रुखले किचेर ज्यान गएको जिल्ला प्रहरी कार्यालय संखुवासभाका प्रहरी निरीक्षक अशोक जगेबुले बताए । उनको अनुसार, शनिबार घर नजिकैको जंगलमा दाउरा काट्न गएकी घिमिरेको दाउरा काट्न लाग्दा रुखले किचेर घटनास्थलमै ज्यान गएको जबेगुले बताए ।
दाउँरा काट्न जंगल गएकी घिमिरेलाई अरुण तेस्रोमा कार्यरत मजदुरले मृत अवस्थामा फेला पारेर स्थानीय र प्रहरीलाई खबर गरेका थिए । घिमिरेको शव जिल्ला अस्पताल खाँदबारीमा पोस्टमार्टम पछि आफन्तलाई जिम्मा दिइएको प्रहरीले जनाएको छ ।
